TU

TU

compellatio honorifica, quâ erga Deos suos Veteres saepissime usi. Virg. l. 8. Aen. v. 293. Hymnô Euandri et convivarum eius ad Herculem,

— Tu Nubigenas, invicte, bimembres

Hylaeumque, Pholumque manu, Tu Cressia mactas

Prodigia et vastum nemeae sub rupe leonem,

Te Stygii tremuêre lacus, Te Ianitor Orci etc.

Papinius, fine Thebaidis primae, ad Apollinem, v. 709.

Tu Phryga submittis citharae: Tu matris honori

Terrigenam Tityon Stygiis extendis arenis.

Te viridis Python —

Et l. 1. Sylvâ 1. v. 79. ad Domitianum, divinos honores affectantem,

— Tu bella Iovis, Tu proelia Rheni,

Tu civile nefas, Tu tardum in foedera montem

Longô Marte domas etc.

Vide Caspar. Barthium, Animadv. Papinian. ad h. l. E'Sacris petita, ut alia Ethnicorum non pauca, uti passim vidimus, vide inprimis Psalmum 102. v. 15. et 16. TU autem Iehova in saeculum permanes --- TU surgens misereberis Tziionis etc.